| Albumo de Paul Goethals el la Esperanto-Fondaĵo Cesar Vanbiervliet, Kortrijk. Ĉefe estas bildkartoj senditaj al Goethals en la periodo ĉ. 1930; ankaŭ estas kelkdekaj de Cesar Vanbiervliet.
Antaŭ la analizo de la albumo estis opinio ke Paul Goethals havas iom altan funkcion ĉe la tiama pilota lernejo en Wevelgem (apud Kortrijk), sed verŝajne li estis simpla soldato. Lia biografio ankoraŭ estas esplorenda.
Estas tipa albumo por tiu epoko: li interŝanĝis bildkartojn kun esperantistoj el la tuta mondo. Espereble la enretigo de la kolekto utilos por alilandaj esploristoj, ĉu pri esperanta, ĉu pri loka historio.
Ĉu ankoraŭ ie restus kartoj senditaj de li?
Se vi atingis la 'Set Goethals' ĉe Flickr, la skanaĵoj estas montrataj laŭ la vicordo de la dosiero-nomoj, kiu egalas al la vicordo de la albumo. (La kartoji NE estas ordigitaj laŭdate!)
Strukturo: '03-5' estas la kvina bildo de la tria paĝo. '04-5v'' estas la dorsa (teksto-) flanko de la poŝtkarto.
Je la fino de la albumo (ekde p. 57) estas aldonitaj kartoj senditaj al Cesar Vanbiervliet, ĉefe el la 1970aj jaroj.
|
